HAMALLAJ– Martin Nikolla, ish-shoferi i kryeparlamentares Lindita Nikolla, i cili u përfshi në një konflikt të dhunshëm këtë të dielë është arrestuar nga Policia. Nikolla bashkë me vëllezërit dhunuan barbarisht anëtarët e familjes Kaçi, madje ish-gardisti qëlloi në ajër me armën e shërbimit.
Në këtë moment kanë ndërhyrë djemtë e të moshuarit. Por dhe këta të fundit janë zënë ngusht nën goditjet e njëpasnjëshme të shkopave të bejsbollit, sendeve të forta dhe armëve të zjarrit. Në një moment Martin Nikolla ka nxjerrë pistoletën duke ja drejtuar familjes Kaçi e me të ka gjuajtur 5 herë në drejtim te tyre. Mësohet se shkak i sherrit të rëndë që përfundoi me tre të plagosur njëri prej të cilëve rëndë janë konflikte të vazhdueshme për rrugën e lagjes të cilën banoret e kanë shtruar para 10 vitesh me lekët e tyre e disa rrethime të komshinjve që familja Nikolla kërkon t’i heqë pavarësisht se kanë nga 30 vjet që janë. Anëtarët e familjes Nikolli janë shoqëruar në Polici. Po hetohet ngjarja.
