KORÇË– Katër persona kanë rënë në prangat e Policisë së Korçës këtë të dielë pasi akuzohen se kanë dhunuar një 49-vjeçar. Sipas Policisë nën herim është vënë dhe i biri i 49-vjeçarit, 21-vjeçari me inicialet G.E, pasi ka përplasur automjetin e parkuar në rrugë të 25-vjeçarit me inicialet A. L. Kjo dyshohet të ketë sjellë dhe konfliktin mes tyre.
NJOFTIMI I POLICISË:
DVP Korçë/ -Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi penal në gjendje të lirë për shtetasit: A. L., 38 vjeç; B. G., 25 vjeç; E. K., 23 vjeç; A. T., 27 vjeç banues në Tiranë pasi në fshatin Bishnicë, gjatë një konflikti dyshohet se kanë goditur me grushte një 49-vjeçar. Gjithashtu filloi procedimi penal edhe për shtetasin G. E., 21 vjeç, banues në fshatin Bishnicë (djali i 49-vjeçarit) pasi me automjetin e babait të tij, ka përplasur automjetin e parkuar në rrugë të shtetasit A. L., duke i shkaktuar dëme materiale. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.Dong-Mae
