BERAT– Zbardhen detaje të reja në lidhje me plagosjen e 27-vjeçarit Xhuljano Goga në Berat. Sipas Policisë i riu është plagosur në këmbë nga një person ende i paidentifikuar sapo ka dalë nga pallati. Ai është qëlluar nga afër nga një armë me silenciator. Deri më tani Goga ka refuzuar të flasë me Policinë rreth ngjarjes.
NJOFTIMI I POLICISË:
Në Spitalin Rajonal Berat, është paraqitur për ndihmë mjekësore shtetasi Xh.G., 27 vjeç, banues në Berat, i cili dyshohet se në rrethana ende të paqarta, është plagosur me armë zjarri në këmbë. 27-vjeçari në momentet e para të marrjes në pyetje, ka refuzuar të japë shpjegime në lidhje me rrethanat e ngjarjes. Grupi hetimor vijon punën për zbardhjen e rrethanave të ngjarjes, identifikimin dhe kapjen e autorit
