TIRANË– Karriera e Martin Nikollës si gardist mori fund një ditë më parë kur ai dhe vëllezërit e tij u përfshinë në një konflikt të dhunshëm me familjen Kaçi në Hamallaj. Si të mos mjaftonte dhuna brutale që ai dhe vëllezërit e tij ushtruan ndaj 80-vjeçarit Pjetër Kaçi dhe djemve të tij gardisti qëlloi në ajër me armën e shërbimit. Kjo i ka vënë kapakut “forcës” së tij dhe fshiu karrierën në Gardën e Republikës, ku dhe shërbeu si truprojë, shofer dhe shofer zëvendësuar i krerëve të shtetit, duke përfshirë dhe Presidentin Bamir Topi.
Kush është Martin Nikolla dhe karriera e tij në Gardë
Martin Nikolla e nisi karrierën e tij në Gatrdën e Reopublikës ë korrik të vitit 2006, me detyrën shofer në zyrën për shërbimet e delegacioneve. Në këtë detyrë është rekrutuar asokohe nga Ndrea Prendi, Komandanti i përgjithshëm i Gardë. Më pas, në nëntor të vitit 2007 është emëruar shoqërues / shofer për Presidentin e Republikës Bamir Topi, detyrë që e ka kryer deri në vitin 2012. Në periudhën 2012-2017 ka punuar si shofer në struktura shërbimi në gardë. Ndërsa prej vitit 2017 deri në vitin 2021 ka shërbyer si Truprojë dhe shofer për zëvendësKryeministrin. Së fundmi, prej shtatorit 2021 mbante detyrën e shoferit rezervë për Kryetarin e Kuvendit, por pa qenë asnjë ditë shoferi i makinës së Lindita Nikollës përgjatë aktivitetit të saj të përditshëm si kryeparlamentare.
Si ndodhi ngjarja
Martin Nikolla së bashku me vëllezërit e tij i kanë zënë pritë dhe kanë goditur me shkopinj bejsbolli e mjete të forta familjen Kaçi me të cilët janë komshinj. Konkretisht Martin, Alfred, Petrit dhe Arben Nikolla i kanë zënë pritë 80-vjeçarit Pjetër Kaçi. Pasi i akën thënë pse na sheh kanë nisur ta godasin me sende të forta duke e gjakosur. Në këtë moment kanë ndërhyrë djemtë e të moshuarit. Por dhe këta të fundit janë zënë ngusht nën goditjet e njëpasnjëshme të shkopave të bejsbollit, sendeve të forta dhe armëve të zjarrit. Në një moment Martin Nikolla ka nxjerrë pistoletën duke ja drejtuar familjes Kaçi e me të ka gjuajtur 5 herë në ajër. Mësohet se shkak i sherrit të rëndë që përfundoi me tre të plagosur njëri prej të cilëve rëndë janë konflikte të vazhdueshme për rrugën e lagjes të cilën banoret e kanë shtruar para 10 vitesh me lekët e tyre e disa rrethime të komshinjve që familja Nikolla kërkon t’i heqë pavarësisht se kanë nga 30 vjet që janë.
