HAMALLAJ– Zbardhet dëshmia e ish-gardistit Martin Nikolla, i cili u përfshi në një konflikt të dhunshëm një ditë më parë në Hamallaj me familjen Kaçi. Raportohet se para grupit hetimor Nikolla ka deklaruar se ishte familja Kaçi ajo që nisi sherrin dhe se ai ka qëlluar në ajër për të ndaluar përplasjen fizike që kishte nisur me anëtarëve të dy familjeve. Sipas tij 80-vjeçari Pjeter Kaçi e ka ofenduar.
Martin Hammalj: Konflikti nga nisur nga pala tjetër. Na kanë ardhur në shtëpi dhe na kanë kërcënuar, duke na thënë “do t’ju vrasim, nuk duam t’ju shikojmë në rrugë”. Kemi tentuar të ulim gjakrat, por ata kanë qenë shumë të dhunshëm dhe na kanë qëlluar me grushte. Kur pashë që u agravua situata, kam qëlluar me armë në ajër që të shmang përplasje më të rëndë. Është pala tjetër ajo që na ka provokuar, në çdo rast. Ata nuk na lejonin të kalonim në rrugë. Duke qëlluar në ajër, kam shmangur një përplasje më të rëndë midis familjeve.
Si ndodhi ngjarja
Martin Nikolla së bashku me vëllezërit e tij i kanë zënë pritë dhe kanë goditur me shkopinj bejsbolli e mjete të forta familjen Kaçi me të cilët janë komshinj. Konkretisht Martin, Alfred, Petrit dhe Arben Nikolla i kanë zënë pritë 80-vjeçarit Pjetër Kaçi. Pasi i akën thënë pse na sheh kanë nisur ta godasin me sende të forta duke e gjakosur. Në këtë moment kanë ndërhyrë djemtë e të moshuarit. Por dhe këta të fundit janë zënë ngusht nën goditjet e njëpasnjëshme të shkopave të bejsbollit, sendeve të forta dhe armëve të zjarrit. Në një moment Martin Nikolla ka nxjerrë pistoletën duke ja drejtuar familjes Kaçi e me të ka gjuajtur 5 herë në ajër. Mësohet se shkak i sherrit të rëndë që përfundoi me tre të plagosur njëri prej të cilëve rëndë janë konflikte të vazhdueshme për rrugën e lagjes të cilën banoret e kanë shtruar para 10 vitesh me lekët e tyre e disa rrethime të komshinjve që familja Nikolla kërkon t’i heqë pavarësisht se kanë nga 30 vjet që janë.
