TIRANË– Pas marrjes së detyrës si kryetar i Pratisë Demokratike zyrtare Lulzim Basha ka firmosur emërimin e parë. Kështu duke nisur nga kjo e hënë Mirela Karabina do të jetë zëdhënësja e re e “vulës“. Lajmin e ka bërë me dije vetë Karabina përmes një postimi në rrjetet sociale.
Mirela Karabina: Një falënderim për Kryetarin e Partisë Demokratike Lulzim Basha, për Enkelejd Alibeaj dhe Anëtarët e Kryesisë së PD-së për vlerësimin dhe besimin që më dhanë si Zëdhënëse e Partisë Demokratike dhe Anëtare e Kryesisë. Në rrugëtimin tim profesional në fushën më të bukur dhe një nga shtyllat e shoqërisë, edukimin e të rinjve, karakterizohem nga përgjegjshmëria e lartë për ta kryer sa më mirë këtë mision. Në rrugëtimin politik po ashtu, me dëshirë dhe vullnet të plotë kam dhëne dhe do të jap kontributin tim për një Parti Demokratike që i shërben interesave të qytetarëve, për një Shqipëri të mirë e të bukur për veten time, familjen dhe gjithë shoqërinë. Kur je e vërtetë dhe i bën me zemër, çdo mundësi kthehet në realitet.
