Dy persona kanë mbetur të lënduar pas një aksidenti në rrugën Vraniq-Bukosh, në Suharekë. Lajmin e ka bërë të ditur zëdhënësi i Policisë për rajonin e Prizrenit, Vesel Gashi.Në aksident janë përfshirë dy automjete, sakaq dy të lënduarit kanë marrë menjëherë ndihmë mjekësore.
‘Aksidenti ka ndodhur në ora 18:55 në rrugën Vraniq-Bukosh. Në këtë aksident janë të përfshira dy automjete, njëra me targa vendore tjetra me targa të huaj. Dy persona janë lënduar, pas trajtimit mjekësor në Qendrën e Mjekësisë në Suharekë, njëri prej tyre është dërguar në Spitalin e Përgjithshëm të Prizrenit”, tha ai, raporton Telegraf.
