TIRANË– Nënkryetari i Bashkisë së Tiranës Arbjan Mazniku bëri të ditur se bashkia do të nisë me të gjithë procedurat që parashikon ligji shembjen e pallatit në Njësinë 4. Numri dy i Bashkisë së Tiranës tha se të gjithë banorët janë trajtuar me bonus qiraje ndërkohë janë shpallur dhe fitues për të marrë apartamente të reja në momentin që do të përfundojnë punimet.
Arbjan Maziku: Objekti në fjalë, prishja do ndodhë javën që vjen, të hënën ose të martën, ka shkuar lajmërimi i parë për banorët. Objekti është shpallur i papabanueshëm që ditët e para pas tërmetit. Janë 90 familje banorë të atij pallati. 60 familje janë shpallur fituese. 30 familje janë tashmë në banesat e reja te “5 maji”. Të gjithë personat që Këlliçi takoi janë shpallur fitues. Jua them konkretisht. Banorët kanë përfituar banesa të reja, kanë përfituar banesa të reja.
Ndërkohë nuk munguan as debatet me kandidatin e opozitës për bashkinë e Tiranës Belind Këlliçi. Këlliçi akuzoi bashkinë se u ka ndërprerë dritat dhe ujin banorëve. Ai tha se një nga familjet që banojnë në pallat u ka vdekur i afërmi i tyre dhe ata nuk kanë drita dhe ujë për të kryer të gjitha adetet dhe për ti dhënë nderimet e fundit. Ai i kërkoi Maznikut që të bëjë një kërkesë në OSHEE që famijes ti lidhen dritat.
Belind Këlliçi: Agim Bozhiqi ka ndërruar jetë pikërisht për shkak të kësaj situate. Kërkoj që të paktën ti lidhen dritat familjes së viktimave në mënyrë që ta respektojnë. Kaq kanë nevojë banorë. Kjo është një sjellje barbare. Hasde mo e humorist, se je dhe në restorant tani ku po ha. Qoji dritat atyre te shtëpia. Ku nje tani në restorant. Qoji dritat. U ka dhënë urdhër bashkia që tu heqin dritat.
Arbjan Maziku: Ata banorë që kanë marrë boinusin e qerasë të largohen nga aty dhe të shkojnë në një banesë të sigurt derisa tu rregullohet banesa e re. Familja Bozhiqi është shpallur fituese për një banesë të tipologjisë 3+1.
