FIER- Një 14 vjeçare nga Fieri është zhdukur pa lënë gjurmë. Ajo rezulton e humbur që prej ditës së djeshme. Lajmi është bërë me dije nga vetë nëna e saj, e cila ka kallëzuar në polici. Më pas policia ka nisur hetimet për gjetjen e së miturës.
“Më datë 03.08.2023, në Komisariatin e Policisë Fier, ka bërë kallëzim shtetasja A. T., 38 vjeçe, se në të njëjtën ditë i është larguar nga banesa, vajza e saj 14 vjeçe, dhe nuk është kthyer më. Po punohet për gjetjen e 14-vjeçares”, thuhet në njoftimin e policisë.
