TIRANË- 125 bimë kanabisi janë asgjesuar ditën e sotme në repartin ushtarak të Zall Herrit në Tiranë. Mësohet se në pranga kanë rënë 3 punonjës të repartit ushtarak.
Njoftimi i Policisë:
Në fshatin Zall Herr, Tiranë, në kuadër të operacionit gjatë kontrollit në territorin e një reparti ushtarak, u gjetën të kultivuara dhe u asgjësuan 125 bimë kanabis.
Në vijim të këtij operacioni u arrestuan në flagrancë për shpërdorim të detyrës, 3 punonjës të repartit ushtarak, shtetasit: – G. M., 52 vjeç, me detyrë Shef Seksioni i Sigurisë; – R. K., 25 vjeç, me detyrë Specialist për Zbulimin; – G. Zh., 45 vjeç, me detyrë Specialist Sigurie. Gjithashtu u proceduan penalisht dhe 4 shtetas të tjerë: – A. J., 41 vjeç, me detyrë Specialist Infrasktrukture; – P. H., 52 vjeç, me detyrë Zv/Komandant toge; – I. D., 47 vjeç, me detyrë magazinier; – P. D., 57 vjeç, me detyrë Komandant Reparti.
Këta shtetas, me veprimet dhe mosveprimet e tyre, duke shpërdoruar detyrën, kanë lejuar kultivimin e bimëve narkotike, në ambientet e repartit ushtarak.
