TIRANË– Ish-ministri Arben Ahmetaj, ka reaguar në lidhje me akuzat e ngritura ndaj tij, se ka qëndruar së bashku me bashkëshorten në hotele luksoze të paguara nga Klodian Zoto. Mbrëmjen e djeshme, në një reagim për “Të Paekspozuarit”, ish-ministri u shpreh se bëhet fjalë për dokumenta jo origjinale dhe mohon të ketë udhëtuar ndonjëherë me Klodian Zoton apo të ketë përdorur kartën e tij.
Ahmetaj thotë se sulmi ka lidhje me detyrën e tij dhe mund të jetë e nxitur nga persona që nuk kanë pëlqyer qëndrimet e tij zyrtare si ministër, ose mund të bëhet fjalë për gjobëvënie.
“Nuk janë dokumente origjinale. As kam udhëtuar e as kam perdorur kartën e ndokujt. Nuk kam asnjë lidhje me procedurën. Dikujt nuk i kanë pëlqyer qëndrimet e mia zyrtare si ministër. Ndoshta bëhet fjalë edhe për gjobëvënie. Nuk kam udhëtuar kurrë me Zoton dhe as kam përdorur kartën. Një tufë me media i marrin të mirëqena letrat. Unë kam udhëtuar vetëm me miq dhe ish miq të mi, e Zoto nuk është as njëra as tjetra”, ka deklaruar Ahmetaj.
