Vendi ynë ditën e sotme është karakterizuar nga reshjet e shiut, cka në zonat bregdetare ka sjellë një boshatisje të menjëhershme. Në Shkodër reshjet sollën vetëm uljen e temperaturave, kurse në plazhin e Velipojës vetëm aventurierët provuan bregdetin.
Reshjet e shiut kanë përfshirë edhe qarkun e Lezhës, ku pjesa më e madhe e pushuesve janë detyruar të ndërpresin pushimet, duke krijuar edhe radhë të gjata trafiku në hyrje dhe dalje të Lezhës, po ashtu edhe në rrugët dytësore.
Gjithashtu dhe Vlora është përballur me reshje me intensitet të lartë shiu , ku rrugët e qytetit bregdetar u bllokuan prej trafikut pasi pushuesit vendosën të largoheshin prej aty.
Po ashtu dhe Darzeza në Fier, krijoji një hapsirë të madhe boshe në zonën e bregdetit, pasi dhe këtu pushuesit nuk mundën të qëndronin shoqëruar me një mot jo të përshtatshëm për të pushuar.
