MAT– Një tjetër aksident ka ndodhur ditën e sotme në Mat. Automjeti ka humbur kontrollin dhe është përplasur me murin mbrojtës ku si pasojë janë plagosur 3 pasagjerë dhe drejtuesi i mjetit.
Njoftimi i policisë
Mat/informacione paraprake Në vendin e quajtur “Plan i Bardhë”, në aksin e rrugës së Arbrit, shtetasi A.N., duke drejtuar automjetin e tij, ka humbur kontrollin mbi drejtimin e automjetit dhe automjeti është përplasur, me murin mbrojtës anësor të rrugës. Për pasojë ka mbetur i lëndur drejtuesi i mjetit dhe tre pasagjerë që ndodheshin në mjet, të cilët po marrin ndihmë mjekësore në spital.
