SHKOPET– Një tjetër aksident ka ndodhur ditën e sotme në Shkopet. Një automjet ka humbur kontrollin dhe ka përfunduar në liqen, ku për pasojë janë plagosur dy personat që ishin në automjet.
Njoftimi i Policisë:
Në Shkopet, shtetasi L.V., duke drejtuar automjetin, ka humbur kontrollin mbi drejtimin e tij, dhe për pasojë automjeti ka dalë nga rruga, ku ka mbetur i lënduar drejtuesi i mjetit dhe pasagjerja që udhëtonte me të. Të lënduarit po marrin ndihmë mjekësore në spital dhe ndodhen jashtë rrezikut për jetën. Grupet hetimore ndodhen në vendngjarje dhe po punojnë për zbardhjen e shkaqeve të aksidenteve të ndodhura.
