Dritan Goxhaj u arrestua më 31 korrik nga Policia e Tiranës, për llogari të Gjykatës Speciale të Kosovës, me zyra në Hagë. Mbi të rëndojnë dy akuza, ajo e “Frikësimit gjatë procedurës penale” dhe “Pengimit të personit zyrtar në kryerjen e detyrave”.
Disa momente më herët ka nisur një protestë, ku shumë njerëz kanë dalë kundër arrestimit të Goxhajt, pasi sipas tyre ai nuk ka bërë asnjë krim.
“Për të gjithë ata që kanë në dorë për Dritanin, mos ta ekstradojnë. Ky është një persekutim i hapur për të gjithë shqiptarët, që luftuan kundër armiqve. Të ketë meritë për Dritan Goxhaj, duhet të mbrohen të drejtat e kombit shqiptar, ato që na i kanë dhunuar në emër të demokracisë. Drejtësia është e barabartë për të gjithë. Nuk ka bërë asnjë lloj krimi, por vullnetarisht ka marrë pjesë në mbrojtje të të drejtave”, tha një prej protestuesve.
