Një sherr brutal ndodhi ditën e djeshme në ambientet e një karburanti në Lezhë. Ky konflikt përfundoi me dy të plagosur.
Një shtetas kosovar kishte shkuar tek ambientet e karburantit për të kryer nevojat personale, ku më pas janë afruar pranë tij dy punonjësit e karburantit të cilët e kanë ofenduar me fjalë. Më pas kosovari është larguar dhe ka hipur në automjetin e tij duke ofenduar dhe duke i dhënë gaz mjetit për të përplasur dy punonjësit.
Në tentativë e sipër ai është përplasur me zyrën e rojës së karburantit. Dy punonjësit kanë ndërhyrë dhe e kanë dhunuar me shkop. Për pasojë ndodhen në spital Migjen Mulaj dhe Nikoll Sokoli, të dy jashtë rrezikut për jetën.
Migjen Mulaj akuzohet për “vrasje me dashje e mbetur në tentativë” dhe “shkatërrim prone”. Ndërsa Nikoll Sokoli dhe Kujtim Rusi akuzohen për “plagosje e rëndë me dashje, kryer në bashkëpunim”.
