Një incident ka ndodhur ditën e djeshme në Ishullin Mykonos, ku për shkak të një problem teknik është ndërprerë energjia elektrike. Me fat ishin disa turistë të cilët ndodheshin nëpër qenda me gjeneratorë, e ndërsa disa të tjerë kanë vazhduar argëtimin e tyre me qirinj të ndezur.
“Rreth orës 21:45 për shkak të disa defekteve teknike të rrjetit ka pasur një ndërprerje të energjisë elektrike që ka prekur 2/3 e Mykonos. Mesa duket janë prekur disa biznese, të cilat kanë mbetur pa energji në një kohë kur ato ishin shumë të kërkuara, kryesisht restorante”, tha Heraklis Zisimopoulos, president i Shoqatës së Biznesmenëve të Mykonos.
