TIRANË-Kandidati në garë për kreun e SPAK, Altin Dumani, ka nisur prezantimin përpara Këshillit të Lartë të Prokurorisë (KLP) të vizionit që ai ofron për drejtimin e Prokurorisë së Posaçme. Gjatë fjalës së tij se garancia që ai ofron për një prokurori të suksesshme është bilanci i tij i arritur në punën si prokuror i SPAK gjatë 3-viteve të fundit.
Ai shtoi se bashkëpunimi, puna në grup, autonomia e institucionit dhe integriteti personal i punonjësve janë ato që do ta bëjnë SPAK-un nëse drejtohet prej tij, një institucion efikas dhe që të përmbushë pritshmëritë e qytetarëve.
Altin Dumani: Ndihem shumë i motivuar për të garuar për këtë funksion, pasi nëse më jepet mundësia për të drejtuar këtë institucion, do të kem në fokus ndërtimin e një strukture të aftë për të luftuar korrupsionin. Unë besoj se suksesi bazohet nga bashkëpunimi, nga puna në grup, nga autonomia dhe nga integriteti i çdo anëtari të Gjykatës së Posaçme. Të flas për veten, sa herë më është dashur të angazhohem në gara, është pak e vështirë, pasi ne prokurorët jemi pak të kursyer për veten. Nuk e kam parë asnjëherë si një vend pune e kam parë si një mision dhe këtë frymë kam përhapur te të gjithë kolegët. Një mision që kërkon angazhim maksimal dhe jam përpjekur që në këto 3 vjet të jap angazhimin maksimal. Garancia më e madhe e krijimit të një prokurorie të suksesshme është bilanci që unë kam këto tre vite. Megjithëse kam mbajtur postin e zëvendëskryetarit unë kam marrë një numër të plotë çështjesh për hetim.
Pyetje: Ka pasur dalje në publik ë të dhënave që kanë qenë pjesë e përgjimeve. Duhet të ishin konfidente në atë moment të hetimit. Ka edhe kosto shteti Ka edhe kosto mbarëvajtja e hetimit. A gjeni dot një mekanizëm për të mbikëqyrur këtë lloj procesi.
Altin Dumani: Duhen përdorur mjetet speciale të kërkimit të provës. Unë mund të porosis edhe në mbledhje të prokurorëve që kam mendimin t’i bëjmë periodike. Ka një mbingarkesë të panevojshme për të dhënë shumë numra dhe për të përdorur shumë metoda. Sa i takon rrjedhjes në media. Unë jam shumë i kujdesshëm. Nuk bëhet fjalë madje dhe shumë gazetarë që kam njohje të vjetra shfaqin pakënaqësia ndaj meje sepse jam shumë diskret. Jo çdo gjë duhet dhënë. Jemi edhe të barabartë në raport me mediat. Jo një ta trajtojmë si të nënës dhe një të njerkës. Unë do jem shumë i vëmendshëm sa herë që ka rrjedhje. I them si ndodhi, ku ndodhi. Fillon procedim penal. Mund të hetojnë prokurorët njëri tjetrin.
