TIRANË– Sallat e operacioneve në spitalin e Traumës do të mbyllen për dy ditë përgjatë javës së ardhshme. Të hënën dhe të martën (19-20 dhjetor), nuk do të ofrohet ky shërbim në spitalin e Traumës në Tiranë. Shkaku është bërë pastrimi i sallave pasi janë shumë të ndotura.
Mjekët shprehen të shqetësuar për këtë pasi dhe puna e tyre do të mbete pezull për dy ditë. Ndërkohë pacientët që kishin planifikuar operacionet do të drejtohen drejt privatit, ndërsa ende nuk dihet se si do të procedohet me rastin e personave që aksidentohen ose plagosen që kanë nevojë për operacion.
