Arben Ahmetaj, i arratisur prej kohësh nga Shqipëria, ka kërkuar nëpërmjet avokatit të tij Apel kthimin e apartamentit në zonën e Shallvareve që iu sekuestrua nga SPAK, në kuadër të hetimeve që po kryen për 3 vepra penale, mos deklarim apo fshehje dhe deklarim i rremë i pasurive, korrupsion pasiv i funksionarëve të lartë, pastrim i parave.
Pak javë më parë, me vendim të gjykatës dhe kërkesë të SPAK, Ahmetajt iu vunë në sekuestro edhe 6 pasuri, 4 apartamente dhe 2 llogari bankare në shumën e 124 300 euro.
Ndaj Ahmetajt ka një urdhër-arresti ndërkombëtar me masë dhënë në mungesë “Arrest në burg” për veprat penale: “Korrupsion”, “pastrim parash” dhe “fshehje pasurie”.
