DURRËS– Një 39-vjeçar i identifikuar me inicialet M.A nga Policia është gjetur i vdekur këtë të premte në Lagjen 13 afër zonës bregdetare në Durrës. Raportohet se nga kqyerja paraprake e trupit të të riut nuk janë konstatuar shenja dhune. Dyshohet se vdekja të ketë ardhur nga shkaqe natyrale. Policia ka mbërritur në vendin e ngjarjes dhe po punon për zbardhjen e saj. Ndërkohë trupi pritet të dërgohet në morg ku do të kryhet dhe autopasia.
NJOFTIMI I POLICISE
Në orët e para të mëngjesit të sotëm, në lagjen nr. 13, në breg të detit, është gjetur i pajetë shtetasi M. A., 39 vjeç, banues në lagjen nr.15, Durrës. Nga këqyrja paraprake e trupit të 39-vjeçarit, nuk janë konstatuar shenja dhune. Paraprakisht, dyshohet se ky shtetas e ka humbur jetën, për shkaqe natyrale. Grupi hetimor ndodhet në vendngjarje dhe vijon punën për identifikimin e këtij shtetasi, si dhe për sqarimin e rrethanave të kësaj ngjarjeje.
