TIRANË– Deputeti i Partisë Demokratike, Enkelejd Alibeaj ka kërkuar që ditën e hënë të ketë seancë plenare. Në komisionin e reformës zgjedhore, Alibeaj tha se parlamenti nuk duhet të jetë noter banal i Qeverisë.
Enkelejd Alibeaj: Nga ana e konferencës ishte propozuar që të ketë një seancë të vetme të fundvitit, ajo e 22 dhjetorit. Dhe ajo që është e habitshme është se aktet propozojnë të ishte e madhe, 20 e më tepër akte e projektligje që pretendohet të diskutohen në një seancë të vetme. Janë jo pak, por 15 projektligje dhe vendime të tjera të rëndësishme të Kuvendit. Sot i kërkova, bashkë me kolegët e opozitës, që kjo mënyrë e përcaktimit të këtij volumi kaq të madh veprimtarie në një seancë të vetme është strategji që dëmton të drejtat e deputetëve. Ka kohë kalendarike që ky parlament të ketë seancë të hënën ose të enjten e javës tjetër. Kalimi fshehurazi dhe shpejt duket se është praktikë e qeverisë dhe parlamentit. Të ketë një seancë tjetër të hënën. Patëm diskutime, në fund mazhoranca u tërhoq dhe sërish do të bëmë mbledhje sot në orën 15:00. Dua të them publikisht se çfarë propozova në Konferencën e Kryetarëve. Ky parlament nuk duhet të jetë noter banal i qeverisë. Akte të rëndësishme që kanë impakt publik; të mos u jepet koha e nevojshme deputetëve dhe publikut për t’u njohur me to, diskutuar e analizuar. Ky është propozimi që unë kam bërë. Jemi në pritje që sot mazhoranca të reflektojë dhe t’i japë mundësi publikut për t’u njohur me këto akte.
