Revolucioni i Tiranës në 365 ditë ka qenë i madh. Nga skuadra e sezonit të shkuar që luajti në Champions në sfidën e parë ndaj Dudelanzhit, me këtë skuadër që luajti këtë sezon me Dinamon e Batumit dhe Beshiktashin, gjërat kanë ndryshuar shumë.
Një lojtar i vetëm ka mbijetuar nga ekipi i vjetshëm. Dhe ai është kapiteni i skuadrës, Filip Najdovski. Të gjithë lojtarët e tjerë të 11-shes, që ishin në fushë në Luksemburg kanë ikur. Duke filluar nga Bekaj, Behiratçe, Ismajlgeci, Toshevski, Aleksi, Limaj, Seferi, Totre, Xhixha dhe Devid. Asnjë prej tyre nuk është më pjesë e skuadrës.
Largimet kanë qenë aq të mëdha, aq sa edhe stoli është zhdukur i gjithi. Përjashtim bëjnë Lika, Hila, Hasani dhe Qefalija. Janë 10 lojtarë të larguar, pa llogaritur rezervat e skuadrës, ndërsa nga ana tjetër, Tirana u detyrua që pas Champions-it të kalojë në Konferencë Ligë. Skuadra vjet u eliminua pas dy humbjeve 1-0 dhe 2-1, por edhe në turin e dytë të Konferencë Ligës gjërat nuk shkuan mirë dhe ekipi u kalua nga Zrinjski.
Shkurt, një revolucion shumë i madh për bardheblutë, që këtë vit u kualifikuan një tur në Europë dhe arritën të grumbullonin mbi 1 milion euro, veç paraqitjes pozitive. PanoramaSport
