SPANJË– Nudistët në Spanjë ndjehen të kërcënuar nga personat që veshin rroba në plazhet e dedikuara për ta. Kjo ka qenë thirrja që Federata Natyraliste-Nudiste e Katalonjës ka bërë këtë të dielë ndaj autoriteteve. Segimon Rovira dhe nudistët e tjerë në Katalonjë po rezistojnë me një fushatë për të mbrojtur traditën disa dekadash në rreth 50 plazhe në rajon. Gjatë 56 viteve të jetës së Rovirës, shumë plazhe me ujëra bruz në provincë u vizituan kryesisht nga nudistët dhe tani ai është bërë i vetëdijshëm se është i rrethuar nga njerëz që bëjnë banjo dielli me rroba banje.
Segimon Rovira: Më parë, njerëzit vinin në një plazh nudist dhe ose largoheshin ose hiqnin rrobat e tyre. Tani ata qëndrojnë dhe nuk i heqin rrobat e banjës. Ajo që ata nuk kuptojnë është se nëse ka shumë prej tyre, ne i japim fund Ndihem në siklet. Është mungesë respekti. Nudizmi nuk është i ndaluar në Spanjë, mund ta bësh në çdo plazh. Megjithatë, për të mos i shqetësuar njerëzit, ne preferojmë të shkojmë në plazhe që tradicionalisht kanë qenë nudiste dhe ku shumica e njerëzve janë lakuriq. Ne duam që njerëzit ta respektojnë këtë,.
Shoqata kohët e fundit i dërgoi një letër qeverisë katalanase dhe kërkoi një takim për të adresuar atë që ata e përshkruan si “diskriminimin me të cilin përballen nudistët në plazhet e Katalonjës”. Federata tashmë ka filluar të mendojë për kërkesat e mundshme, që nga rritja e sinjalistikës për plazhet nudiste apo fushatat e ndërgjegjësimit të publikut për të garantuar respektimin e nudizmit. Ndërkohë qeveria nuk u ka kthyer ende përgjigje.
