TIRANË– Kleviol Ahmeti ose siç njihet me emrin e artit “Cllevio Serbiano” ka reaguar për herë të parë pas lajmeve që qarkulluan në media se ai fshihej pas djegies së makinës “Ferrari” të reperit të njohur Noizy me të cilin ka konflikte të vazhdueshme. Cllevio u fut në listën e të dyshuarve pasi vetë autori që i vuri flakën “Shakirës” 300 mijë euroshe të Noizyt deklaroi se ishte paguar 2000 euro nga Cllevio për të djeguar makinën e reperit.
Përmes një postimi në rrjetet sociale Cllevio shkruan se u “pre në besë nga Mbreti” si dhe vijon me tej me disa rreshta nga këngët e tij që duket se janë një ‘’mesazh i koduar’’ në lidhje me ngjarjen. Në lidhje me djegien e makinës në pranga ka rënë Siar Konti nga Vlora. Ky i fundit u pikas nga kamerat e sigurisë në zonë dhe në vendin ku ndodhi ngjarja, Makinë është përdorur disa herë nga reperi në videoklipe apo dhe në jetën e përditshme. Në lidhje me ngjarjen nuk kemi ende një reagim nga Noizy.
