SERBI– Presidenti i Serbisë Aleksandër Vuçiç ka “sulmuar” ashpër këtë të dielë kryeministrin e Kosovës Albin Kurti pas vizitës së këtij të fundit në Tetovë. Vuçiç tha se Kurti gjatë vizitës në Tetovë “ka promovuar idenë e Shqipërisë së Madhe”.
Aleksandër Vuçiç: Ajo që ndodhi në Maqedoninë e Veriut ishte skandal i skandaleve. Aty u promovua ideja e ‘Shqipërisë së madhe’, u theksuan simbolet e saja dhe Kurti u prezantua si kryeministër i të gjithë shqiptarëve dhe kryeministër i Tetovës, ndër të tjera.
Sipas Vuçiç-it emërtimi i një rruge në Çair me emrin e Adem Demaçit, është “skandaloze”.
Alekdandër Vuçiç: Demaçi është një njeri që kaloi 28 vjet në burg, në kohën e Titos që ishte liberal për atë kohë, si ideologu dhe separatisti më i keq dhe më i madh i ‘Shqipërisë së madhe’. Demaçi ishte mentor dhe idhull i Kurtit.
