VATIKAN– Papa Françesku ka reaguar këtë të dielë në lidhje me tragjedinë e ndodhur disa ditë më parë në Lampedusa, ku humbën jetën 41 emigrantë, Gjatë fjalës së tij në meshën e së dielës Ati i Shenjtë tha se se që nga fillimi i vitit gati 2000 burra, gra dhe fëmijë kanë vdekur tashmë në këtë det duke u përpjekur të arrijnë Europën.
Papa Françesku: Një tjetër mbytje tragjike ka ndodhur pak ditë më parë në Mesdhe: 41 persona humbën jetën, unë u luta për ta. Me dhimbje dhe turp duhet të themi se që nga fillimi i vitit gati 2000 burra, gra dhe fëmijë kanë vdekur tashmë në këtë det duke u përpjekur të arrijnë Evropën. Është një plagë e hapur për njerëzimin tonë. I inkurajoj forcat politike dhe diplomatët që kërkojnë ta shërojnë atë në një frymë solidariteti dhe vëllazërimi si dhe angazhimin e të gjithë atyre që punojnë për të parandaluar mbytjet e anijeve dhe për të shpëtuar detarët.
