TIRANË– Një incident i rëndë është regjistruar këtë të hënë në zonën e Unazës së Re në Astir ku raportohet se një hajdut ka tentuar të grabisë një makinë luksoze tip “Benz G-Class” si dhe ka dhunuar pronaren dhe bashkëshortin e saj dhe në sy të Policisë siç shihet dhe në pamje. Në videon e publikuar nga “JOQ” hajduti ka hyrë në zyrën e noteres së njohur dhe i ka marrë çelësat e makinës. Ajo e ka ndjekur bashkë me bashkëshortin por ai nuk pranon të zbresë nga mjeti. Dhe pse vjen Policia kjo e fundit duket e “pafuqishme” për të marrë masa madje hajduti e qëllon noteren dhe bashkëshortin e saj në sy të tyre.
POSTIMI:
Plas sherri në Astir/ Hajduti i vjedh noteres çelësat e G-Classit dhe e qëllon atë dhe bashkëshortin e saj në sy të policisë Arsyeja që çoi nga debati në dhunë është se i riu, sipas informacioneve për JOQ, ka hyrë më zyrën noteriale dhe ka vjedhur çelësat e mjetit të noteres. Ai nuk pranonte të dilte nga mjeti për t’u përballur me çiftin dhe në momentin kur mbërriti policia, sapo hapi derën hajduti i dyshuar qëlloi gruan dhe bashkëshortin e saj, raportojnë dëshmitarët nga vendngjarja për JOQ. Ky i fundit është shoqëruar pas njoftimit të policisë, ashtu siç duket edhe në pamjet e siguruara nga redaksia jonë.
View this post on Instagram
Në lidhje me ngjarjen ka reaguar dhe Policia e Tiranës, e cila bën me dije se 28-vjeçari është arrestuar.
NJOFTIMI I POLICISË:
Tentoi të vidhte me dhunë një automjet, si dhe kundërshtoi me dhunë punonjësit e Policisë gjatë tentativës për ta parandaluar, kapet dhe vihet në pranga 28-vjeçari. Shërbimet e Komisariatit të Policisë Nr. 6, gjatë patrullimit në terren për garantimin e rendit dhe sigurisë, ditën e sotme, rreth orës 11:10, në bulevardin e Kasharit, kanë konstatuar një shtetas i cili po tentonte të vidhte një automjet. Shërbimet e Policisë kanë ndërhyrë menjëherë duke parandaluar vjedhjen e automjetit, dhe kanë arrestuar shtetasin D. S., 28 vjeç, banues në Tiranë, i cili gjatë kohës së ndërhyrjes ka kundërshtuar më dhunë dhe goditur punonjësit e Policisë, për shkak të detyrës. Në vijim të veprimeve, nga verifikimet e kryera ka rezultuar se 28-vjeçari, ditën e sotme, ka kanosur nëpërmjet telefonit, një tregtar makinash në Vorë, për ti marrë atij një automjet. Ky rast është publikuar me video, në disa rrjete sociale. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
