ITALI– Islam Kurti, 23 vjeç është i riu shqiptar, i cili ka rënë në prangat e Policisë italiane nën akuzën e trafikut të drogës. Raportohet se Islami kishte rolin e transoportuesit në sasinë e 50 kilogramë heroinë, e cila u kap në Portin e Livornos dhe që vinte nga Ekuadori. Kokaina kapte vlerën e 35 milionë eurove nëse do të dilte në treg. Ajo u gjet në një konteiner me karkaleca të ngrirë e cila do të përfundonte në Toskana si destinacion tranzit për tu shpërndarë më pas në Europë.
Kurti kishte hyrë në zonën doganore natën, mes të premtes së kaluar dhe të shtunës për të marrë kokainën dhe për t’ua dorëzuar atyre që e kishin porositur nga Amerika e Jugut. Mendohet se ai kishte rënë dakord që të merrte drogën, për t’u paguar më pas një mijë euro për kilogram, por misioni i tij i pamundur përfundoi në burg. Kokaina ishte e paketuar në 45 pako: në pako celofani me simbol “Audi” dhe “RS 6”. Shpesh kjo gjuhë e koduar përdoret për të treguar se kush do t’i marrë pakot.
