SARANDË– Bonin Shabani, 51 vjeç është vënë këtë të hënë në prangat e Policisë së Sarandës pasi akuzohet për shpërndarje droge. Përmes një njoftimi për mediat ku ka ndarë dhe pamjet nga operacioni blutë e qytetit bregdetar bëjnë me dije se Shabani e shiste kanabisin dhe kokainën në lagje të ndryshme të qytetit. Në cilësinë e provës materiale u sekuestruan një sasi lënde narkotike cannabis sativa dhe kokainë , e ndarë në doza të gatshme për shitje, një shumë parash e përfituar nga shitja e dozave, si dhe 2 celularë.
NJOFTIMI I POLICISË:
Sarandë/Finalizohet operacioni policor i koduar “Parts 18”, goditet 1 rast tjetër i shitjes në doza, të lëndës narkotike cannabis sativa. Sekuestrohen një sasi lënde narkotike cannabis sativa dhe kokainë , e ndarë në doza të gatshme për shitje, një shumë parash e përfituar nga shitja e dozave, si dhe 2 celularë. Arrestohet 1 shtetas që u kap në flagrancë teksa i shiste dozat, në lagje të ndryshme të qytetit të Sarandës. Specialistët për Hetimin e Narkotikëve të DVP Vlorë, në vazhdën e operacioneve të njëpasnjëshme kundër veprimtarisë kriminale të shitjes së lëndëve narkotike, në doza, në qytete dhe në zonat bregdetare, kanë organizuar dhe finalizuar operacionin policor të koduar “Parts 18”, si rezultat i të cilit u konstatua dhe u godit 1 tjetër rast në këtë fushë. Për këto rast, u kap në flagrancë teksa shiste në lagje të ndryshme të qytetit, dhe u arrestua shtetasit: -B. Sh., 51 vjeç , banues në Ksamil, Sarandë. Dozat e lëndës narkotike, së bashku me një shumë parash të përfituar nga shitja e dozave dhe 2 celularë, që iu gjet 51-vjeçarit të arrestuar, u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
