BULQIZË– Detaje të reja kanë dalë në dritë në lidhje me ngjarjen e rëndë të regjistruar në Bulqizë ku një 26-vjeçar i identifikuar si Dritan Manjani u vra me kaçavidë nga Dorjan Dema. Mësohet se autori dhe viktima kanë qenë në një lokal të Shupenzës deri në orët e para të mëngjesit duke pirë së bashku.
Një sherr i momentit i nisur për motive të dobëta ka bërë që “festa” e tyre të përfundojë në tragjedi për të riun, i cili u godit disa herë me kaçavidë nga Dema duke gjetur vdekjen. Ngjarja ka ndodhur në hyrje të fshatit. Policia ka arrestuar autorin, dëshmia e tij pritet të hedhë dritë mbi ngjarjen.
