ELBASAN– Katër persona kanë mbetur të plagosur këtë të martë si pasojë e një aksidenti në aksin rrugor Elbasan-Peqin ku një makinë u përplas me një kamionçinë. Të plagosur kanë mbetur drejtuesit e mjeteve dhe pasagjerët në makinat respektive. Policia ndodhet në vendin e ngjarjes dhe po punon për zbardhjen e shkaqeve të aksidentit. Ndërkohë të plagosurit janë dërguar në spital dhe ndodhen nën kujdesin e bluzave të bardha.
NJOFTIMI I POLICISË:
Elbasan/Informacion paraprak. Në orët e para të mëngjesit të sotëm, në aksin rrugor Peqin-Elbasan, në fshatin Papër, automjeti që drejtohej nga shtetasi O. S., 26 vjeç, është përplasur me kamionçinën që drejtohej nga shtetasi Sh. P., 58 vjeç. Si pasojë e aksidentit janë dëmtuar dy drejtuesit e automjeteve, shtetasja B. P., pasagjere në automjetin me drejtues shtetasin Sh. P. dhe shtetasi A. S., pasagjer në automjetin me drejtues shtetasin O. S., të cilët ndodhen në kujdesin e mjekëve. Grupi hetimor vijon punën për përcaktimin e rrethanave të aksidentit.
