BULQIZË– Detaje të reja janë zbardhur në lidhje me ngjarjen e rëndë të regjistruar në orët e para të mëngjesit në Shupenzë të Bulqizës. Sipas dëshmive të fqinjës viktima Dritan Manjani ka qenë njeri i qetë që nuk ngacmonte njeri si dhe punëtor. Referuar dinamikës së ngjarjes një nga fqinjët tha se pasi kanë pirë në një lokal të fshatit viktima dhe autori Dorjan Dema janë konfliktuar me njëri-tjetroinj për motive ende të paqarta për aq kohë sa nuk kemi një dëshmi nga Dema. Në momentin e ngjarjes siç thoitë fqinji Manjani ka qenë duke ngrënë bukë dhe e kanë ngritur nga tavolina. Ndërsa një tjetër shprehet se Manjani dhe Dema kanë qenë duke pirë në tavolina të ndryshme. Po ashtu fqinji thotë se ai është vrarë me thikë dhe jo me kaçavidë. Nëna ka qenë e fundit që e ka parë gjallë Manjanin, i cili para se të mbyllte sytë i kishte thënë se do të bëhej mirë.
Fqinji 1:Ishte djali më i mirë, nuk bën më nëna. Ka punuar në Greqi, me nder. I ka djemtë shumë të mirë. Ai ka qenë flori, atij edhe po t’i bije nuk kthente dorë. Nuk kanë pasur konflikte, nuk kanë qenë problematikë. Kanë qenë duke pirë në lokal, e ka parë një djali im duke pirë atje. Dy makina kanë ardhur mbrapa, janë kthyer dhe atëherë e kanë thirrë atë djalin duke i rënë në telefon, ka dalë jashtë dhe atëherë…Tek shtëpia e kanë vrarë. I kanë parë 2 makina. Nëna e vetë i ka thënë dil Dritan se mos ke zënë rrugën. Ka qenë duke ngrënë bukë, dhe më pas ka ndodhur ajo që ndodhi. Nuk ishte i martuar, dhe nuk di të kenë pasur konflikt apo probleme. Nuk kanë hapur kurrë probleme. Për ngjarjen di që kanë qenë duke pirë. I kanë parë të tjerë dhe më pas morëm vesh që ndodhi kjo ngjarje. Ishin në të njëjtën vend me autorin tek lokali. Por thanë që më mbrapa kanë ardhur dy makina, e kanë thirrur këtë djalin. Ai ka dalë jashtë dhe më pas ka ndodhur edhe vrasja. Kanë ardhur natën nga ora 21:45, me makina me dy makina , thonë ata që i kanë parë unë nuk i kam parë.
Fqinji 2: “Ishin duke ngrënë, duke pirë 5 veta. Unë piva një kafe me të ndjerin, por unë u largova dhe e lash të ndjerin në lokal. Autori ishte me 4 veta të tjerë duke ngrënë meze e duke pirë birra. Se di se çfarë ndodhi më pas. Ai nuk u bashkua me ata, por ishte tavolinë tjetër. Thonë se ka nisur konflikti në lokal, por aty kanë ndërhyrë dhe i kanë ndarë. Më pas viktima, rreth orës 9 e gjys e kanë thirrur te shtëpia. Ai ishte duke ngrënë bukë dhe kur ka dalë i kanë shtirë me thikë dhe jo me kaçavidë siç kanë thënë. Kaq kisha unë.
