SHKODËR– Një 75-vjeçar i identifikuar me inicialet N.Ç dyshohet se është vetëmbytur mesditën e kësaj të marte në ujërat e lumit Buna në Shkodër. Policia bën me dije se janë njoftuar polumbarët e RENEA-s, të cilët do të bëjnë të mundur dhe nxjerrjen e trupit nga uji. Ndërkohë po hetohet ngjarja.
NJOFTIMI I POLICISË:
Rreth orës 10:00, salla operative e Policisë Shkodër ka marrë njoftim nga familjarët e shtetasit N. Ç., 75 vjeç, banues në lagjen “Vojo Kushi”, Shkodër, se dyshohet që ky shtetas mund të jetë vetëmbytur në lumin Buna. Shërbimet e Policisë kanë nisur menjëherë kontrollet. Janë njoftuar edhe polumbarët e RENEA-s, me qëllim gjetjen e këtij shtetasi.
