EKUADOR– Pedro Briones, një politikan i njohur në Ekuador është vrarë një ditë më parë duke tronditur vendin pak ditë pasi në një atentat mafioz u vra kandidati për president Fernando Villavicencio, i cili në programin e tij kishte vënë theksin në luftën ndaj trafikut të drogës dhe bandave kriminale që dominojnë biznesin e kokainës. Në lidhje me vrasjen e Briones Policia ende nuk ka dalë me deklaratë zyrytare.
Informacioni u bë i ditur fillimisht në rrjetet sociale të kandidates për deputete, Paola Cabezas. Ish-presidenti i vendit, Rafael Correa, ka shkruar në Tëitter: “Një tjetër shok u vra në Esmeraldas. Mjaft më!”, tha ai. Briones, lideri i vrarë të hënën dhe Villavicencio, kandidati i vrarë javën e kaluar, ishin nga kampet ideologjike kundërshtare.
