BULQIZË– Trupi i 26-vjeçarit Dritan Manjani të vrarë një natë më parë nga Dorjan Dema në Shupenz të Bulqizës vijon të qëndrojë në morgun e spitalit të Bulqizës pasi nuk ka mjekë për të kryer autopsinë. Për shkak se në këtë spital mungon mjeku ligjor, është dashur që të vijë një mjek nga Tirana për të kryer autopsinë e trupit të viktimës, raporton BË.
Qytetari: Prej orës 10 dhe deri tani, nuk ka pasur mjekë. Tani erdhi nga Tirana mjeku dhe do të bëhet autopsia. Ka mbi 1 vit që nuk ka mjek.
Ndërkohë detaje të reja janë zbardhur sa i përket ngjarjes që tronditi fshatin Homesh të Njësisë Administrative Shupenzë. Mësohet se autori dhe viktima e thërrisnin njëri-tjetrin me nofka ndërsa dyshohet se shkak për ngjarjen të jetë bërë bullzimi që Dema ushtronte ndaj 26-vjeçarit. Ky i fundit sipas dëshmive të banorëve të zonës është futiur për të mbrojtur kushëririn e tij por që Dema e ka goditur me thikë dhe jo me kaçavidë siç u raportua më parë.
