TIRANË– Personat që shihni në foto janë pesë të arrestuarit në kuadër të megaoperacionit të zhvilluar një natë më parë në Tiranë ku u sekuestruan mbi 11 mijë doza ekstazi, të cilat shpërndaheshin nëpër lokalet e natës në Tiranë dhe në zonën e bregdetit kryesisht në zonën e ish-Bllokut. Mithat Ramadani 30 vjeç, Besnik Mujeci, 40 vjeç, të dy banues në Prishtinë, si dhe Kalem Picari, 24 vjeç, Ambra Myftari 28 vjeçe, dhe Daniel Avdija 26 vjeç, të tre banues në Tiranë u arrestuan nga Policia ndërsa u zbardh dhe skam që ata përdornin për të sjellë drogën në vend.
Sipas Policisë për të transportuar lëndën narkotike ata përdornin linjat e autobusëve Prishtinë-Tiranë. Në momentin që ekstazia mbërrinte në Tiranë, ajo transportohej përmes makinave me qira, ndërsa fokusi ishte te shpërndarja në zonën e bregdetit dhe lokalet e natës në kryeqytet. Dozat e ekstazisë paketoheshin me logon e “Louis Vuitton”.
