DIMAL– Një ngjarje e rendë ka tronditur këtë të premte Dimalin, ku një 15-vjeçar ka humbur jetën pasi ka rënë në kontakt me rrymën elektrike teksa punonte në një lavazh. Në lidhje me ngjarjen e rëndë blutë e Beratit kanë vënë në pranga Abedin Hajdarin, 37-vjeç, pronar i lavazhit ku ndërroi jetë i mituri. Ai u akuzohet për veprën penale “Shkelja e rregullave të mbrojtjes në punë“.
NJOFTIMI I POLICISË:
Specialistët e Seksionit për Hetimin e Krimeve të Stacionit të Policisë Dimal arrestuan në flagrancë shtetasin A. H., 37 vjeç, banues në Dimal, për veprën penale “Shkelja e rregullave të mbrojtjes në punë”. Mëngjesin e sotëm, në lavazhin në pronësi të 37-vjeçarit, një shtetas 15 vjeç, banues në Dimal, i cili punonte si ndihmës, në këtë lavazh, ka rënë në kontakt me rrymën elektrike dhe për pasojë, ka humbur jetën. Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat, vijojnë hetimet për të dokumentuar përgjegjësinë penale të shtetasit A. H.
