GJIROKASTËR– Një sherr për motive të dobëta mes dy personave në fshatin Suhë të Gjirokastrës ka përfunduar me një të plagosur rëndë. Raportohet se pas një sherri L.M, 38 vjeç ka goditur me grusht dhe ka shtyrë nga shkallët 55-vjeçarin e identifikuar me inicialet G.H, ky i fundit për shkak të dëmtive të rënda është transportuar drejt Traumës. Autori është vënë në pranga. Policia po heton ngjarjen.
NJOFTIMI I POLICISE:
Dëmtoi rëndë një 55-vjeçar, pasi e goditi me grusht dhe e shtyu nga shkallët e një lokali, si rezultat i mbërritjes së menjëhershme të Policisë, në vendngjarje, arrestohet në flagrancë autori. Pasi janë njoftuar se një shtetas kishte dhunuar fizikisht një shtetas tjetër, për motive të dobëta, shërbimet e Komisariatit të Policisë Gjirokastër kanë organizuar punën dhe kanë mbërritur menjëherë në vendngjarje, ku kanë kapur në flagrancë dhe kanë vënë në pranga shtetasin L. M., 38 vjeç, banues në fshatin Suhë. Për shkak të një konflikti për motive të dobëta ndërmjet tyre, 38-vjeçari ka goditur me grusht dhe ka shtyrë nga shkallët e një lokali, në lagjen “18-shtatori”, shtetasin G. H., 55 vjeç, banues në Gjirokastër, i cili për shkak të dëmtimeve të marra, është në kujdesin e mjekëve, në Spitalin e Traumës. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
