ITALI– Luçiano Spaleti do të jetë trajneri i ri i kombëtares italiane. Lajmi është konfirmuar nga Federata Italiane e Futbollit këtë të premte. Prezantimi i tij pritet të bëhet javën e parë të shtatorit.
“I japim mirëseardhjen Spaletit, kombëtarja kishte nevojë për një trajner të madh dhe jam shumë i lumtur që ka pranuar drejtimin teknik të të kaltërve. Entuziazmi dhe kompetenca e tij, do të jenë thelbësore për sfidat që presin Italinë në muajt në vijim”, tha presidenti i FIGC, Gabriele Gravina.
