TIRANË– Kryeministri Edi Rama ka reaguar këtë të shtunë ndaj ndotjes së mjedisit të shkaktuar nga hedhja e mbeturinave në ambientet publike. Sipas kreut të qeverisë do të krijohet një paketë ndëshkimesh drastike ligjore për personat që hedhin mbeturina në rrugë. Lajmin e ka bërë me dije përmes një postimi në rrjetet sociale ku ka ndarë dhe fotot nga ndotja e mjedisit.
POSTIMI:
Rrugët e reja janë për të shkurtuar distancat, jo për t’u kthyer në vend-hedhje plehrash Faleminderit Bashkisë Gjirokastër dhe ARRSH që u angazhuan në pastrimin e aksit Kardhiq-Delvinë që çdo ditë frekuentohet nga mijëra turistë Dhe në këtë kthesë të madhe historike për turizmin e për ekonominë shqiptare, NE S’DO TË LEJOJMË QË SJELLJA E EGËR E NJË PAKICE INDIVIDËSH TË PACIPË, TË DËMTOJË SHQIPËRINË E RILINDUR TURISTIKE! NJË PAKETË E RE NDËSHKIMESH DRASTIKE LIGJORE PËR HEDHËSIT E PLEHRAVE RRUGËVE, DO TË HYJË NË FUQI MAKSIMUMI FILLIMVITIN E ARDHSHËM
