ITALI– Kryeministrja e Italisë Georgia Meloni ka reaguar sërish këtë të shtunë në lidhje me incidentin e regjistruar në Berat ku disa turistë italianë ikën pa paguar faturën në një restorant. Përmes një reagimi në rrjetet sociale Meloni shkruan se është njohur me rastin gjatë takimit me kryeministrin Edi Rama gjatë kohës që ishte me pushime në jug të Shqipërisë. Sipas shefes së qeverisë italiane fatura është paguar nga ajo dhe jo me fondet e qeverisë italiane., Kjo vjen si përgjigje ndaj opozitës italiane, e cila e ka vënë në “shënjestër‘ Melonin në lidhje me rastin.
REAGIMI:
Ndërsa isha në Shqipëri, kryeministri Rama më tregoi historinë e 4 italianëve që ikën në një restorant lokal pa paguar faturën. Pronari, pasi pamjet e arratisjes ishin bërë virale, tha se ishte ende i lumtur sepse bashkatdhetarët tanë hanin mirë dhe ishin të lumtur. Më vinte turp, sepse Italia që dua të përfaqësoj nuk është një komb që flitet jashtë për këto gjëra, që nuk respekton punën e të tjerëve, që mendon se është argëtuese duke mashtruar të tjerët. Ndaj vendosa t’i kërkoja ambasadorit që të shkonte për të shlyer faturën, të cilën e pagova vetë. Asgjë e madhe, në fakt as që e raportova. Megjithatë edhe kjo ka krijuar polemika në Itali, nga një opozitë që me sa duket preferon një tjetër imazh të Italisë. Më vjen keq sepse shpresoja që të paktën për diçka kaq të parëndësishme të biem dakord të gjithë.
