TIRANË– Detaje të reja janë zbardhur në lidhje me aferën e koncensionit të sterilizmit që çoi në pranga ish-zevendësministrin e Shëndetësisë Klodjan Rrjepaj dhe biznesmenin Ilir Rrapaj. Raportohet se shkeljet e ligjit në procedurat e dhënies së koncesionit ishin bërë me qëllimin e vetëm për shpalljen fitues të kompanive që u përkasin Ilir Rrapajt dhe ortakut të tij italian, Umbro Staccini. Në dosjen voluminoze të Prokurorisë së Posaçme Kundër Korrupsionit dhe Krimit të Organizuar rënditen një sërë shkeljesh ligjore deri tek mosveprimi i ish-ministrit të Shëndetësisë Ilir Beqaj për zgjidhjen e konfliktit të interesit mes Rjepajt si kryetar i komisionit të koncesionit dhe Rrapaj si përfitues i tij.
Pjesë nga dosja: Në listën e shkeljeve është studimi i fizibilitetit me të dhëna të rreme në kundërshtim me ligjin hartimi i kritereve në mënyrë të tillë që t’u përshtateshin gjendjes reale të kompanive të përzgjedhura paraprakisht si dhe mosveprimin e Beqajt për zgjidhjen e konfliktit të interesit mes Rjepajt si kryetar i komisionit të koncesionit dhe Rrapajt si përfitues i tij.
