BRITANI– Artur Koka, 35 vjeç ëhstë vënë këtë të shtunë në prangat e policisë britanike pasi akuzohet për kultivim të lëndëve narkotike. Raportohet se Koka është pronar i 175 bimëve kanabis të cilat u gjetën në një pronë pranë Bourne. Oficerët nga ekipi i policisë së lagjes Stamford, Bourne dhe Deepings morën informacione që i çuan ata drejt ‘shtëpisë së barit’ në Northorpe, Thurlby. Matësi i energjisë elektrike ishte anashkaluar.
Mediat britanike shkruajnë se një ekip specialistësh që punonte me policinë shkatërroi bimët dhe sistemin e rritjes hidroponike, që do të thoshte se bimët mund të rriteshin pa tokë. Artur Koka u arrestua në vendngjarje dhe më pas u deklarua fajtor për prodhimin e një droge të kontrolluar të klasit B.
