Një kafe e fortë ekspres mund të bëjë shumë më tepër sesa të na “zgjojë” për të nisur ditën. Sipas studimit të publikuar në Journal of Agricultural and Food Chemistry, disa përbërës që përmbahen në kafenë e përmendur mund të bllokojnë një proces patologjik që ndodh në tru, dhe përgatit fillimin e sëmundjes së Alzheimerit. Studimet përkatëse kanë gjetur kohët e fundit se kafeja ka një efekt të dobishëm kundër sëmundjeve të ndryshme neurodegjenerative, duke përfshirë sëmundjen e Alzheimerit, por pa “ndriçuar” mekanizmat e saktë të përfshirë në rezultatet pozitive. Një studim nga Universiteti Edith Cowan kishte zbuluar se pirja e kafes ofronte efekte pozitive në funksione specifike të trurit, si funksionet ekzekutive që lidhen me planifikimin, vetëkontrollin dhe vëmendjen, ndërsa ngadalësonte akumulimin e proteinës beta-amiloide në tru, një faktor kyç për zhvillimin e sëmundjes Alzheimer.
Hulumtimi i fundit nga Universiteti i Veronës në Itali, i udhëhequr nga Mariapina D’Onofrio, ka treguar përmes testeve paraprake laboratorike se përbërësit në kafenë ekspres mund të pengojnë akumulimin e proteinës Tau (tau) në fibrile brenda citoplazmës së neuroneve. (neurofibrilar agregate) të cilat, si proteina β-amiloide, janë të lidhura me sëmundjen e Alzheimerit. Në organizmat e shëndetshëm, proteina Tau lejon stabilizimin e strukturave të trurit.
Studiuesit morën kokrrat e kafesë me burim nga dyqane të ndryshme dhe vazhduan të analizonin përbërjen e tyre kimike duke përdorur spektroskopinë e rezonancës magnetike bërthamore, një metodë e përdorur për të identifikuar, analizuar dhe studiuar vetitë e përbërjeve të ndryshme kimike. Ata veçuan alkaloidet kafeinë dhe trigonelinë dhe flavonoidet genistein dhe teobrominë (një përbërës që gjendet gjithashtu në çokollatë), për të vazhduar me procedurën eksperimentale që përfshinte inkubimin e tyre së bashku me një formë gjysmë funksionale të proteinës Tau për deri në 40 orë.
