ITALI– Dy shqiptarë 46 dhe 29 vjeç janë vënë në prangat e Polisë italiane në Gambassi Terme (Firence). Ata akuzohen për kultivim të lëndëve narkotike. Sipas mediave italiane ata akuzohen për drogë, vjedhje dhe armëmbajtje pa leje.
Në cilësinë e provës materiale u sekuestruan 35 kilogramë marihuanë gati për shitje, 650 bimë dhe dy pushkë. Gjatë kontrollit në terren karabinierët zbuluan dhe dy plantacione, një me 350 bimë dhe e dyta me 300. Droga e sekuestruar arrinte vlerën e 350 mijë euro.
