VLORË– Një ngjarje e rëndë është regjistruar në orët e para të mëngjesit të kësaj të hëne në Vlorë. Raportohet se Nadir Gjata, pronari i një agjencie biletarie në zonën e njohur si “Kapelja” tek porti i Vlorës, është gjetur i vdekur mëngjesin e sotëm. Paraprakisht dyshohet se ai është aksidentuar por kanë qenë familjarët ata që kanë shtuar dyshimet se ai mund të jetë vrarë. Sipas tyre ai ka një plagë arme zjarri në pjesën e prapme të kokës. Pritet që të kryer ekspertiza mjekoligjore, kjo e fundit do të hedhë dritë mbi shkaqet e vdekjes.
