ELBASAN– Një 24-vjeçar ka mbetur i plagosur këtë të hënë pasi humbi kontrollin e mjetit dhe përfundoi duke u përplasur me trafikndaren metalike në anë të rrugës në autostradën Elbasan-Tiranë. Raportohet se i riu është dërguar në spital dhe ndodhet në kujdesin e bluzave të bardha.
NJOFTIMI I POLICISË:
Elbasan/Informacion paraprak. Rreth orës 10:30, në autostradën “Elbasan-Tiranë”, shtetasi A. H., 24 vjeç, ka humbur kontrollin mbi drejtimin e automjetit dhe si pasojë, automjeti është përplasur me mbrojtësen metalike, në anë të autostradës. Nga përplasja, është dëmtuar 24-vjeçari, i cili po merr ndihmë mjekësore, në spitalin e Elbasanit. Grupi hetimor po punon për zbardhjen e plotë të rrethanave të këtij aksidenti.
