GREQI– Marrëdheniet mes Grreqisë dhe Shqipërisë vijojnë të jenë të tensionuara që pas arrestimit të kryebashkiakut të zgjedhur të Himarës, Fredi Beleri. Kështu këtë të hënë një reagim i fortë ka ardhur nga ministri grek i Punës dhe Sigurimeve Shoqërore Adonis Georgiadis. Ky i fundit deklaroi se nëse Shqipëria vazhdon të pengojë betimin e Fredi Belerit si kryetar bashkie në Himarë, të harrojë fondet e Bashkimit Evropian. Po ashtu ai u ndal dhe tek darka informale e kryeministrit grek Kyriakos Mitsotakis me liderët e rajonit, ku nuk ftoi homologun shqiptar Edi Rama.
Adonis Georgiadis: Ta harrojë paratë nga BE nëse pengon betimin e Belerit. Shqipëria do të harrojë paratë nga Europa nëse Fredi Beleri nuk betohet si kryebashkiaku i Himarës. Shqipëria do paguajë çmim shumë të lartë nëse vazhdon të shkelë të drejtat e grekëve. Vendimi i Kyriakos Mitsotakis për të ftuar të gjithë të tjerët, përveç Ramës dhe që të gjithë të tjerët të jenë veç Ramës, mendoj se tregon se çështja e Fredi Belerit nuk po kalon aspak pa pengesa në qeverinë greke.
