BRITANI– Ergo Sala, 20 vjeç është vënë në prangat e Policisë britanike pasi u kap duke u kujdesur për disa bimë narkotike të llojit kanabis që nëse do të hidhej në treg do të kapte vlerën e 400 mijë paundëve. Sala u kap nga policia në një apartament me disa dhoma dhe që ishte i mbushur me kanabis dhe qindra pajisje për rritjen e tij.
Raportohet se brenda banesës gjendeshin rreth 13 kilogramë kanabis gati për shitje me vlerë rreth 125 mijë paundë, si edhe disa bimë të tjera, vlera e të cilave përllogaritet të ketë qenë rreth 250 mijë paundë britanikë. Ndërkohë bëhet e ditur se i riu kishte mbërritur në Britaninë e Madhe në mënyrë ilegale.
